Telefeshinka ku hadla afka dowladda Pakistan ayaa xaqiijiyay geeridiisa wuxuuna sheegay in Cabdulqadiir uu haleelay caabuqa Covid19 lana dhigay Isbitaal melleteri balse iyadoo xaaladiisu kasoo raynayso uu si lama filaan ah ugu dhintay gurigiisa.
Ninkan ayaa aad looga
ixtiraami jiray waddankiisa islamarkaana lagu tilmaami jirey geesi qowmiyadeed
oo waddani ah. Cabdilqadiir Khaan ayaa la sheegay in uu u dhintey sababo la
xidhiidha xanuun sambabada ka haleelay.
Pakistan oo ah waddanka keliya ee muslimka ah islamarkaana haysta
hubkan casriga ah ayaa cadaawad wayni waxa ay kala dhaxaysaa Hindiya oo ah
waddan intiisa badan dadkiisu mushrikiin yihiin.
Hindiya, Baakistaan iyo
Bangaaladheesh waxa ay isku ahaan jireen hal waddan xilliyadii gumeystaha sida
taariikhdu weriso haddana waa saddex waddan oo kala duwan, gummeystihii Ingiriiska ayaa muslimiinta mandiqadda kala qeybiyay arrinkaas oo sababay in ay wiiqanto awooddii islaamiga aheyd ee mandiqadda.
Caalimkii Niyugleerka Pakistan ee geeriyooday ayay da’diisu caga-cagaynaysay 85 jir wuxuuna dhashay bishii April ee
sannadkii 1936-kii balse maanta oo ay bishu tahay 10 October, 2021 ayuu dunida
macasalaameeyay.
W/Q: Wadaadyare Xaashi