Shirkani ma laheyn wax yididiilla ah sababtoo ah hoggaamiyaasha isku yimid ayaa
ah kuwa shisheeyaha u caysan balse shirkan ayaa waxbadan kaga duwanaa kulamadii
hore sababtoo ah dhammaan dhinacyada isku yimid mid walba wuxuu ku maamuusnaa
in uu madaxweyne u yahay dal soomaaliyeed!!.
1-Xasan Sheekh
2-C/wali Gaas
3-Shariif Sakiin
4-Axmed Madoobe
Kulanka magaalada Garowe wuxuu banaanka soo dhigay heerka uu gaarsiisanyahay
gumeysiga shacabka soomaaliyeed ladul dhigay,in dalkii loo kala jaray dowlado
dhaxdooda loolama,in shacabka soomaaliyeed loo kala qeybiyay wax u eg qowmiyad
mid walba dowlad gaar ah leedahay iyadoo lawada ogyahay in soomaalidu tahay hal qoys oo aan sinaba ukala maarmin.
Waxaas oo idil waxaa kasii daran kulanku wuxuu qaawiyay Xasan Sheekh oo meel banaan
cidla ah soo istaagay haddii uu sheegan jiray Madaxweynaha Jamhuuriyadda Soomaaliya! Sheegashadaasi
waxaa waxba kama jiraan ka dhigay isku imaatinkii Garowe.
Xasan Gurguurte waxaa hareertiisa fadhiyay sedax madaxweyne oo Soomaaliya ka
dhisan:-
Madaxweynaha dowladda Soomaaliyeed ee Puntland!
Madaxweynaha dowladda Soomaaliyeed ee Jubba!
Madaxweynaha dowladda Soomaaliyeed ee Koonfur Galbeed!
Waxaa kasii daran mid walba marka cod baahiya lagusoo dhaweeyo wuxuu leeyahay
waxaan umahad celinayaa "Madaxweynaha Dowladda Soomaaliyeed Ee… Axmed Madoobe
ama Shariif Xasan” mid kasta oo madaxweynayaasha kamid ah wuxuu wataa calan
gooni u ah dowladdiisa soomaaliyeed!! Wuxuu lama taabtaan ka dhigayaa in
dowladdiisa soomaaliyeed umadax banaantahay kheyraadkeeda iyo cilaaqaadkeeda
dibadda.
Xasan Sheekh indhihiisa ayuu kusoo arkay in dalku gumeysi kujiro balse ma qiri
karo oo marka uu Muqdisho ku laabtay ayuu karaaniyaashiisa ugu sheekeeyay "waxaan
Garowe kulasoo kulmay guddoomiyaasha gobollada dalka”.
Jeneraal Gabre oo ah taliyaha ciidamada gumeysiga Itoobiya ee Soomaaliya ayaa
shirka Garowe ku sugnaa oo kormeerayay waxa ay ka hadlayaan wakiillada Itoobiya
ee Soomaaliya.
Dalkii waxaa dowlad ka ah shisheeye iyana waxaa lagu mashquuliyay maamullo
magac uyeel ah kheyraadkii waxaa guranaya soo duulayaal iyana waa makarafoono
uu gumeystu ku yeero.
Allaha Unaxariistee Halgamaagii soomaaliyeed Sayid Max’med C/lle Xasan ayaa
isagoo ka hadlaya kuwa dabadhilifyada u ah gumeystaha waano ueediyay kuna tirtirsiiyay in dalkooda
ay maamushaan ayna ka haraan daba nashlaynta gumeystaha wuxuu yiri.
"Idinkaa dalkaba lehe
Dawlad maad uhaataan.
Ileen doqoni Calaf maleh,
Dibadaha maxaa ka baylahan”.W/Q Wariye Warfaa Kheyrdoon
