Duullaanada
lagu qaaday Baardheere iyo Diinsoor waxay ahaayeen kuwa indha la’aan ah oo
dhaqaale looga raadinayo madaxweynaha Mareykanka, taasi oo keentay in libinta
qabsashadeeda ay qolaba gooni isug kali yeesho.
Inkastoo
Diyuuradaha dagaalka Mareykanka ay hormuud u ahaayeen duullaanka Afrikaanta
calooshood u shaqeystayaasha ah, haddana waxaa si cad usoo baxay qorsha
la’aanta weerarkooda.
Hardanka
ugu xooggan ayaa haatan ka dhex jira Kenya iyo Itoobiya oo ka dhigan labo
dhurwaa oo u xusul duubaya cad ay cunaan iyo dhiig ay jiqaan.
Warbaahinta
Xabashida Itoobiya waxay shacabkooda Nasaarada ah ugu hambalyaysay qabsashada
Baardheere, halka saraakiisha Kenyana baahiyeen hadallo ay ku muujinayaan in ay
ciidankoodu hor galeen magaalada oo guusha ugu weyn ay iyagu leeyihiin.
Labada
Dhurwaa ayaa ku muransan habka iyo cidda laga dhigay maamulka magaalada,
sidaasi waxaa inoo xaqiijiyay sarkaal Soomaali ah oo ku sugan Garbahaayrey,
kaasi oo sababo ammaan u qariyay magaciisa.
Itoobiyaanka
ayaa ku andacoonaya in ay gar u leeyihiin sameynta maamulka iyagoo qiil ka
dhiganaya in askar badan laga dilay, gaadiidna laga gubay mudadii uu dagaalku
socday.
Sidoo
kale Kenyaatiga ayaa iyaguna ku doodaya in la gaarsiiyay khasaare badan kadib
markii weeraro aan kala go’lahayn ay kala kulmeen askarta Xarakada
Mujaahidiinta Al-Shabaab, mudadii ay duullaanka kusoo ahaayeen Baardheere.
Lama
oga sida uu noqon doono xaalka labadan Dhurwaa,Laakin arrinta kale ee xusidda
mudan ayaa waxay tahay in ay jiraan koox dawoco ah oo iyaguna ku tartamaya luf-lufka
Waraabaha.
Kooxahaas aan dawacada la meel dhignay waxay ku dhax rafanayaan raqda laba
dhurwaa ay disheen iyagoo warbaahinta ka qeylinaya.
Kooxahan
oo kala ah DF-ka, maamlka Axmad Madoobe iyo Malleyshiyada tirada yar ee suufiyadda
ah, ayaa qabsashada Baardheere kadib billaabay hadallo uu mid waliba ku
sheeganayo in isaga loo qabtay.
Tusaale
ahaan waxaa DF-ka u hadlay xubno uu kamid yahay wasiirka Gaashaandhigga oo iska
dhigaya in ciidan uu isagu leeyahay u qabteen magaalada, sidoo kalana ammaanaya
Xabashida,Dhanka Axmad Madoobe waxaa u hadlayay Fartaag oo aad isku xijinayay
Kenyaatiga.
Markii
ay duullaanka billaabayeen shisheeyaha iyo daba dhilifyadooda, waxay u muuqdeen
kuwa wada jira oo isku hadaf ah, laakin waxaa soo baxday in ay kala tagsan
yihiin oo uu mid walbaahi leeyahay maslaxad u gaar ah. Halkaasna waxaa ku
dhaboobay qowlka Allaah. (تحسبهم جميعا وقلوبهم شتى).
Baardheere oo muddo 7 sanadood ah sharciga islaamka lagu maamulayay shaki kuma
jiro in mar uun ay sharafkeeda dib ugasoo ceshan doonto dugaagta dulliga
ah,haba yaraatee majirto cid aan shabaabul Mujaahidiin aheyn oo kaalin ku leh
difaaca diinka iyo dalka marka laga reebo dad muxsiniin soomaali ah oo halganka
taageero dhan walba ah siiya.
Liiban Jeexoow Cabdi
SomaliMeMo,Muqdisho
[email protected]