Dalka Malaysia ayaa ka mamnuucay Shirkadda Xamuulka ee ZIM in aaney ka shaqayn karin dekedaheeda laga bilaabo maanta oo Arbaca ah.
Raysal Wasaaraha dalkaasi Malaysia ayaa bayaan uu soo saarey ku sheegay in ay tani jawaab u tahay falalka ka dhanka bina aadannimada ee Yuhuuddu ka geysanayso Marinka Qaza.
Dalka Malaysia ayaa ku biirey dalalka Islaamka ah ee cunaqabateynta ku soo rogey maamulka Yuhuudda. Dalka Yemen gaar ahaan xoogagga Xuutiyiinta ayaa hore u iclaamiyey cunaqabateynta Yahuudda ee dhanka Badda Cas.
Halka maamullo ay kamid yihiin Immaaraatka, Sucuudiga iyo Jordan oggolaadeen in marinno dhulka ah loo marsiiyo badeecadaha kala duwan ee Sahaayinada.
